المنتدي هينقفل وهيتم حذفه

طبعا ناس كتير مستغربه اني موجود لاني كنت مسافر

الموضوع ابتدي وصلني رساله علي الموبيل ان المنتدي هيتقفل بسب ان

فيلم عمرو وسلمي موجود ورجعت لقيت شركه السبكي بعتالي الرساله دي

في المنتدي في رساله خاصه

تحذير وتنبيه اخير لمنتدى lsoos-cafe.ahlamontada.com
تحذر ادارة مؤسسة السبكى من الاستمرار بسرقة المادة الفنية الخاصة بمؤسسة السبكى
حتى لا يتم اتخاذ اجرائات قانونية
علما بأننا اتصلنا بالداتا سنتر التى تقدم الخدمة لكم وقد كان الرد :
تم اعلام مأجر السرفر بالمخالفات واذا لم يتم الحذف او الرد فى خلال 24 ساعة من الان سيتم اغلاق السرفر

شكرا.....
بعض الاعتذارات من المواقع الكبرى بعد اتصال الجهات الرسمية بها :
http://yladown.com/vb/t1613.html
http://mazika4ever.com/vb/t36449.html
http://www.shkhabet.com/ib/index.php?showtopic=4166
http://forums.3rbaflam.com/r2858.html#post16654
http://www.elsobkymovie.com/vb/showthread.php?p=1363

http://www.mazikano.net/showthread.php?t=631

تلك اول خطوة تقوم بها المؤسسة
فحاول الا تخالف قوانين حقوق الملكية الفكرية

ولكى تعلم ان اول منتدى عرض نفسه للعقوبات التى حددتها المؤسسة بالاتفاق مع الجهات المعنية هو مافيا مالك موقع مزيكا فور ايفر

فماذا وصل اليه الان ؟
انظر بنفسك!

تحذير اول واخير لكل اصحاب المواقع

بخصوص النسخة التى سربها منتدى Mazika4ever.com

وانتشرت على الشبكة العنكبوتية

تم تحذير مالك المنتدى وقد استجاب وحذف الفيلم من سرفره

لينك موضوع الاعتذار
http://mazika4ever.com/vb/t36449.html

لذا على كل من قام بنشر الفيلم على موقعه بحذفه الان قبل فوات الاوان

معلومات تفيدك :
ماذا تفعل المؤسسة للوصول لصاحب الموقع او المنتدى؟

اولا نفحص الهويز الخاص بالموقع من اى موقع مثل
www.domaintools.com

ثانيا نتوصل للداتا سنتر المقدمة للخدمة لمأجر السرفر

ثالثا نقوم بالاتصال بمقدم الخدمة *الداتا سنتر* ومقدم الخدمة ( المستضيف ) عن طريق الجهات الرسمية

رابعا نتوصل لصاحب السايت حتى لو لرقم الموبايل فقط

عندها يتم اتصال تحذيرى بمالك الموقع

ان لم يستجيب يتم تحويل الامر للجهات المسئولة للاتصال بالداتا سنتر لاغلاق السرفر لوجود مادة مخالفة لحقوق النشر مما يرغم مأجر

السرفر على اغلاق الموقع حتى لو كان السرفر خاص مثل مزيكا فور ايفر


ذلك للعلم والاحاطة وردا على بعض الاعضاء الذين ينشرون اننا لا نستطيع التوصل لاى مالك موقع

مع تحياتى
مصطفى المصرى
مسؤول الانترنت

البريد الإلكتروني للمرسل: elsobky@elsobkymovie.com


طبعا دا منتداكم ومش منتدايا لوحدي

ايه رئيكم احذف الموضوع ولا اسيبو والمنتدي يتقفل


عموما انا رأي

عمري مخفت الحمد لله واتعودت اني مخدش اوامر من حد

المنتدي يتقفل يتفتح مش فارق معايا كتير

وانا اتحدي اي حد يقول انه هيخترق المنتدي بس طبعا انتو عارفين

الفلوس بتزل نفوس مبلغ من شركه السبكي للشركه اللي عليها المنتدي بتعنا

هيتقفل في ثواني بس صدقوني انا صعب عليا لما احس اني ضعيف

وليكم الاختيار

مجهول

انا من رايي انك تمسحو مش خوف منهم
احنا الحمد لله مش بنخاف غير من اللى خلقنا
هو واحد بيدافع عن حاجة هو عملها و تعب فيه
و لو انت حطيت نفسك مكانة حتعمل اكتر من كدا لانها حاجتك
و حسيت انها اتسرقت منك

لالالا يا معلم شيل الفيلم طبعا هوا يا عنى الفيلم مش هايقلل من المنتدى عادى يا عنى ومشكور يا مجهول

كلمه واحده يا صحبي امسح الفليم خااالص وكبر الدمااااااااغ

هي مش ناقصهـ

سلام

مجهول انا عارف الىا نت عاوزا
بس علشان خاطر الاعضاء طبعا
وانت ليك التحكم

لا طبعا منتدى اية االلى يتقفل
فى داهية الفيلم يعنى
امسحة احسن وبعدين دا مش خوف
دا زى مقالت رودى انك بتحافظ على حاجة بتاعتك
وياريت تحذف الفيلم احسن
وليك القرار برضة يا مجهول

يا جماعه فى ستين داهيه الفيلم

المهم منتدانا

امسحه يا مجهول وخلاص

وممكن نعمل زى ماقالت بنبونايه

شوف يامجهول وابقى قولنا

انا من رائى ياريس ان حبايبك كلهم موجودين فى المنتدى فبلاش يتقفل وكبر انتا نفسك وامسة بس طبعا مش خوف من حد علشان بس الناس الى موجودة وكدا ومشكور الى انتا عرفتنا يا ريس

انا عارفة تفكيرك يامجهول بس صدقنى دة مش هيبقى خوف انك تمسح الفليم ةبعدين فى داهية الفليم ماهو نزل فى السينما وهينزل فى التليفزيون

اسمح الفليم يامجهول احنا مش عايزينو ولا محتجينو الفليم

بس احنا محتجين بيتنا لاانو اكتر بيت بنرتاح فية وبعدين احنا اتعودنا علية واتعودنا على اللى جواه


وبعدين حتى لو قالو خوف احنا ميهمناش كلام حد المهم احنا نكون مع بعض

وفى الاخر هيبقى موضوع ويتنسى

صدقنى يامجهول

وبعدين عايزين نشوف رايك اية


اسراء

السلام عليكم

طبعا هما كانو محددين مده والمنتدي يتقفل وعدت المده والمنتدي الحمد لله تمام وميه ميه

اليومين اللي فاتو دول كات مسؤل من شركه السبكي بيكلمني وبيحاول معايا بكذا طريقه اني اشيل الفيلم ودي كانت اخر رساله بعتهالي

اقتباس :

واضح ان فى مشكلة فى الاتصال
عمتا دا رقم موبايلى
0107663665

لو فى اى طلبات قولى

بس نرجو حذف الفيلم فورا عشان كدا دى خسارة علينا

نرجو التعاون معنا

شكرا...

مع تحياتى
مصطفى المصرى
ادارة الانترنت

طبعا هو كان حاسس ان انا عايز طلبات وبستغل الفرصه ووبطلب فلوس وكدا

بس طبعا الحمد لله احنا مش كدا

وكلمتو علي الاميل وبجد كان الراجل معترم جدا وفهمني وجهت نظر وان الشركه بتخسر كتير

ودا جزؤ من الحوار اللي بيني وبينو

اقتباس :

admin@load4serv.com (26/06/2006 02:21:27 ص): حضرتك صاحب موقع لصوص؟
???? (26/06/2006 02:21:33 ص): ايون
???? (26/06/2006 02:21:38 ص): انا مين حضرتك ؟
admin@load4serv.com (26/06/2006 02:22:25 ص): مع حضرتك مصطفى المصرى من مؤسسة السبكى للانتاج السينمائى
???? (26/06/2006 02:22:34 ص): اهلا بيك
???? (26/06/2006 02:23:34 ص): خير
???? (26/06/2006 02:23:46 ص): انا شايف حضرتك بعتلي رساله تحزير علشان الفيلم
admin@load4serv.com (26/06/2006 02:23:54 ص): اتمنى من حضرتك تمحى بس الفيلم من عندك
admin@load4serv.com (26/06/2006 02:24:04 ص): هيا دى فورمة بيبعتها الموظف من الشركة علطول
admin@load4serv.com (26/06/2006 02:24:12 ص): بس انا ضفت حضرتك عشان استأذنك تمحى الفيلم
???? (26/06/2006 02:24:32 ص): اولا انت بجد شخصيه محترمه جداااااااا
admin@load4serv.com (26/06/2006 02:24:51 ص): ربنا يخليك دا بس من زوقك
???? (26/06/2006 02:24:58 ص): وبجد الطريقه اللي وصلتني بيها الرساله كانت مستفزه
admin@load4serv.com (26/06/2006 02:25:14 ص): انا متأسف لحضرتك بس هوا الموظف عنده تعليمات يبعتها كدا
???? (26/06/2006 02:25:27 ص): عموما انا همسحو
???? (26/06/2006 02:25:39 ص): بس اقولك علي طريقه تشيل بيها الفيلم خالص من علي النت
admin@load4serv.com (26/06/2006 02:25:40 ص): يبقا شكرا لحضرتك

طبعا الراجل محترم جداااااا واسلوبي في الكلام بيدل علي دا

اما المشكه كلها كانت في الطريقه الي صلتني بيها الرساله لانها كنت نوع من التهديد

وانا دخلت منتدايات كتير علي النت قدمت اعتزار لشركه السبكي ودخلت موقع المنتج محمد السبكي بنفسو هو مقدم اعتزار

ووعد مني ان الفيلم هيكون موجود قريب في المنتدي

وتحياتي لاعضاء منتدي اللصوص والفيلم فعلا اتمسح

لاحترام حقوق الملكيه وبس علشان يعرف اننا كنا بنعمل كدا علشان كرامه مش علشان فلوس او طلبات

اخوكم

مجهول

انا بقي الفيلم عندي بس مش هتفرج عليه ولا هروح سينما اتفرج عليه الواحد صحته اولا بيه نسمع مصطفي كامل افيد والله انا قولت للسبكي يخرج مصطفي كامل قلي احنا شغالين في مصطفي بس من تحت لتحت

اقتباس :

انا شايفة ان حرام دى تعتبر سرقة وهما مكلفين الفيلم كتير جدااااااااا
وكدة هيخسر متخدش الموضوع عند وكرامة فعلا هو معاه حق
بس لو انت عايز تتدخل فى عند وتحدى عشان تثبت ان منتدى اللصوص اجمد منتدى
اوكية ادخل بقلب جامد واحنا معاك واكيد زى مانت تعبت فى المنتدى دة وكل الاعضاء حبوا المنتدى انت قادر تعمل منتدى تانى واحنا معاك

ايه ياعم الكلام الكبير دا يواد انت يا مشجعني انا شيلك للكبيره

وفعلا المنتدي كان الوحيد اللي فيه الفيلم والمنتدي متقفلش بعد زي ما هو كان قايل وصلا الفيلم اتشال من علي سرفرات التحميل فكدا كدا مكنش ليه لزمه في المنتدي بس هو علي الفلانشه

بردة يا جماعة هو من حيث حرام فهو حرام واى كمان بس عادى انتم مش مسحتم الموضوع هو دة احترام بس دة احنا اسمنا اللصوص يعنى يتوقعم اى حاجة ولا اية يا ساحر انت ومجهول
للص قلوب مش افلام هههههههههههههههههههههههه

يعم شيل الافلام كلها وروق كدة افلام اية النتم بتكلموا عليها هية مصر بتعمل افلام حلوة سيبك انتة مفيش احسن من لبن الام

فى داهية الفيلم بس اهم حاجة ان المنتدى ميتقفلشى ونفل فى المنتدى اخوات سيبك انتة

اتنا من رايى انك تمسحة وتخدة منهم وتبقا ضربت عصفرين بحجر ولو مردوش يدهولك انتا عندك نسخة تانية حطها مشكلة صح