نقاط نشاط العضو : 70 تاريخ التسجيل : 18/05/2009 مزاج اللصوص : عدد الرسائل : 52 العمر : 30
موضوع: ممنوع دخول السحالى ؟ ازاى تخلى البنات تحبك؟ الإثنين 18 مايو 2009, 7:43 pm
يارب كلو يعرف يروش بس اقرا كلامى الاول
نصائح للولاد لزوم تثبيت البنات
.....البنت بتحب الولد الى
أولا : البنت بتحب الولد التقيل خلى دمك تقيل عليها سوق الرخامه عليها سوق التلامه والغلاسه ولو ما بتعرفش تسوق طلع رخصه..... مطلعتش....اضرب رخصه
ثانيا : البنت بتحب الولد الغنى اسرق .... انهب ..... اعمل اى حاجه عشان يبقى عندك فلوس فلوس كتير... كتير اوى اوى اوى كمان مره .. مش ضرورى حلال يستحب انها تكون كمان حرام عشان تحس ان انت كريم عبد العزيز فى حرميه كيجى2 ولو ما عندكش فلوس .......وفاشل يا فاشل يا ابن الفقراء الفاشلين استهبل ارسم عليها انك غنى اشتغلها.. هو انت يعنى لاقى شغل يا فاشل اشتغلها واعملها شغلانتك
ثالثا : البنت بتحب الولد الى ماتفهموش خليك متخلف فى اسلوبك وطريقتك معاها خليك اهبل فى كلامك ماتديهاش كلمه مفيده ابدا تفهمها منك وان فهمت كلمه منك ارجع قولها عكسها خليها تتهبل ولا تفهمش حاجه خالص
رابعا : البنت بتحب الولد الكداب افتح عليها علب احكيلها عن رحلاتك للمريخ وغزواتك وفتوحاتك كلمها عن اختراعك للبنسلين وعن قدراتك الخارقه على الطيران وقرايه افكار الناس وانك بتعرف كل حاجه فى الدنيا واهم حاجه انك بتعرف هى بتروح فين كل يوم وبتخرج تهبب ايه وتقابل مين
خامسا :البنت بتحب الولد الحبوب المحبوب استخف نفسك وخليك كده فريش طول الوقت وغلس على كل خلق الله وهزر فى اى وقت وبداعى ومن غير حسسها ان كل الناس بتحبك تهزر معاهم
سادسا : البنت بتحب الولد الى مش راجل خليك ناعم كده وبسكوته وحساس اوى خالص جدا موت عالاخر ياااااى حس شويه
سابعا :البنت بتحب الولد الى يفهمها انها احلى بنت اوصفلها فى جمالها واحكيلها قد ايه هى فاتنه وحلاوتها مدوباك ومسهراك يا حبه عين امك وان هى الوحيده فى العالم الى حلوه وهى بس الى يتبصلها لان البنت لازم تحس انها احلى واحده لان ماعندهاش عقل يفهم ان ربنا فضل الناس على بعض فى خلقها واشكالها
ثامنا : البنت تموت فى الولد الى شكله معتوه البس لبس غبى ....لازم تسقط البنطلون ولازم كل الناس تشوف هدومك الداخليه البس تيشيرتات مرسوم عليها فران وكلاب وحمير البس جزم حمرا وكوتشات خضرا وخليك بلياتشو حاول تغير فى اسلوب لبسك البس هدومك بالمقلوب وبرضه ما تنساش تسقط البنطلون طول شعرك ونزله على عنيك ولو شعرك اكرت طوله برضه واحلق خط بعرض 3سم فى نص راسك بالطول لو عمر دياب مره حلق حواجبه اوع تتردد اديها حواجب قرعه علطول
تاسعا : البنت بتحب الولد التافه اتكلم ع التمثيليات وبرامج التليفزيون والاغانى الجديده والفيديو كليبات و والمطربات والمطربين وخد بالك من النقطه الجايه دى بقى اقنعها ان انت صوتك حلو وبتغنى وقريب هيكتشفو موهبتك وهيخلوك تغنى فى برنامج مواقف وطرائف الحيوانات
عاشرا : البنت تحب الولد الى بيحب غيرها عمرك سمعت عن بنت حبت واحد بيحبها لاء طيب خد النصيحه دى.. اهم نصيحه وسر نجاح اى علاقه باى بنت البنت ماتحبش اى واحد يحبها.. وتحب اى واحد تكون هى ولا على باله ..طنشها واركنها ولا تحسسها انها بنى ادمه
واهم حاجه الكلام الى فات ده كله شرط انك تعمله مع اكتر من بنت ويستحب يكونو خمس بنات او من مضاعفات العدد خمسه لان ده الرقم الى بيمنع الحسد والنقص فى النسوان . اوع تكون هى الوحيده فى حياتك ولو مش لاقى بنات تانيه غيرها اتصرف... صاحب اى شغاله ولا اى بياعه خضار
((نوع كده وخليك واد كووووووول))
النتيـــــــــــجــة
هتعلق نص بنات المنطقه والنص التانى هيعلقو واحد تانى قرا نفس الموضوع ولو أنت و هو اتفقتو سوا ممكن تبقو تبادلومع بعض النص بتاعك والنص بتاعه لو كل واحد اتخنق من النص بتاعه مع تحياتى :::كـــيــشو
رهف
نقاط نشاط العضو : 128 تاريخ التسجيل : 16/05/2009 مزاج اللصوص : عدد الرسائل : 124 العمر : 31
موضوع: رد: ممنوع دخول السحالى ؟ ازاى تخلى البنات تحبك؟ الإثنين 18 مايو 2009, 7:57 pm
والله انا رايى مختلف تماما وبالطريقة دى مفيش بنت هتبصلك مش هتعلق بنات المنطقة كلهم
زائر زائر
موضوع: رد: ممنوع دخول السحالى ؟ ازاى تخلى البنات تحبك؟ الإثنين 18 مايو 2009, 8:44 pm
هههههههههههههههههههههههههههههههههههههههههههههههه بيس يا رهف جامد جدا والله والله رهف بتكلم كلام زي الفل
mopayada المدير العام
نقاط نشاط العضو : 1144 تاريخ التسجيل : 10/01/2008 مزاج اللصوص : عدد الرسائل : 2578 العمر : 35
موضوع: رد: ممنوع دخول السحالى ؟ ازاى تخلى البنات تحبك؟ الإثنين 18 مايو 2009, 9:34 pm
هههههههههههههههههههههههههههههههههههههههههه
صح والله يا حبي بجد كتير من اللي قولته دا صح
بس دا طبعا للبنت اللي انت عايز تتسلي بيها وهي تتسلي بيك اما اللي تحبها وترتبط بيها
بيكون فيه اختلاف كتير عن اللي قولته دا
تحياتي ليك
فراس
KeShO
نقاط نشاط العضو : 70 تاريخ التسجيل : 18/05/2009 مزاج اللصوص : عدد الرسائل : 52 العمر : 30
موضوع: رد: ممنوع دخول السحالى ؟ ازاى تخلى البنات تحبك؟ الثلاثاء 19 مايو 2009, 12:33 am
اسكرك يا مجهول بجد على مشاركتك وبشكر كمان الماجيك على الرد الجميل وبشكر رهف على الرد الجميل
kilany
نقاط نشاط العضو : 23 تاريخ التسجيل : 19/05/2009 مزاج اللصوص : عدد الرسائل : 17 العمر : 33
موضوع: رد: ممنوع دخول السحالى ؟ ازاى تخلى البنات تحبك؟ الثلاثاء 19 مايو 2009, 5:37 pm
جامد يا كيشو بس تعال على نفسك شوية احنا كدة مش هانكلم بنات خالص هههههههههه احلى مسة يا سقا
KeShO
نقاط نشاط العضو : 70 تاريخ التسجيل : 18/05/2009 مزاج اللصوص : عدد الرسائل : 52 العمر : 30
موضوع: رد: ممنوع دخول السحالى ؟ ازاى تخلى البنات تحبك؟ الثلاثاء 19 مايو 2009, 5:40 pm
احلى مسا يا كيكا يا صحبى
king
نقاط نشاط العضو : 1505 تاريخ التسجيل : 06/05/2009 مزاج اللصوص : عدد الرسائل : 1383 العمر : 31
موضوع: رد: ممنوع دخول السحالى ؟ ازاى تخلى البنات تحبك؟ السبت 23 مايو 2009, 9:01 am
الإثنين 18 مايو 2009, 7:43 pm
