كنت فاكرنى
**********
كنت فاكرنى هموت من بُعدك
كنت فاكرنى هتعب بَعدك
ليه ياحبيبى وديه فيها ايه
لما تسيبنى وتبعد عنى
مش هضيع يعنى وله اتوه
يلا روح مطرح مطروح
بكره هلاقى احسن منك
مش علشانك الدنيا هتقف
مش علشانك هموت وانكسر
ده انا من تانى هرجع اقف
وارفع راسى لفوق
مش علشانك اكسر خاطرى
ده من تانى هراجع نفسى
كنت فاكرنى هاجى لعندك
استسمح قلبك وارجع لذلك
كنت فاكرنى شوقى قاتلنى
وله فاكرنى قلبى يجبنى
خيبت ظنك وانا اللى عايزه ابعد عنك
اوعى يكون خيالك صورلك
انى هكون اسيره لحبك
انا ياحبيبى خلاص كرهتك
نسيت اسمك ومش فاكره شكلك
ابعد عنى وياريت تخبى اى شوق
لان عمرى ما هحن ليك
******************************************
*«®°•.¸.•°®»حبيتــــــــــك«®°•.¸.•°®»*
حبيتك واديتك قلبى وروحى وايامى
وثقت فيك وفكرتك هتصون الليالى
وفى النهايه ادينى ورقه هتقطعها من كتاب حياتك
لو الحب سهل انك تلاقيه
يبقا دور على حد يعيشلك وانت ترميه
وتحب مع غيره تجرب تانى
ما انت قلبك سهل يدخله اى حد ويخرج منه فى ثوانى
انا حبيتك حب جنون
وقلتلك مش هسيبك يوم
لانى كنت عايزه حنان وكنت محتاجه لامان
و ادينى جربت الحب معاك
خسرت قلبى واحساسى ونفسى كمان
ما انت كنت كل حاجه فى حياتى
انا مش عايزه تانى اهواك
وبصراحه تعبت معاك
ابـــعد عنى وسيبنى فى حالى
انا مش عايزه ارجعلك تانى
عيشت حياتك لقتها عذاب
فيها دموع وجراح واهات
ايه يجبرنى اعيشها معاك
ما انت جرحنى ومش هماك
***************************************
*****مش هلومك*****
مش هلومك على اى كلمه قولتهالى وزعلتنى
و مش هعاتبك على اى شى عملته علشان تضايقنى
بس ياريت تقولى انت ليه لعبت بيا
لانى غير اى حد عرفته قبلى
غير اى بنت
عشان مبعرفش كدب
عشان متعلمتش خيانه
عشان متعذبتش معايا
عشان كنت بريئه
عشان كنت صريحه
عشان بحبك اوى
تجرحنى بالشكل ده
ولما انت مش عايزنى وبتحب وحده تانيه
كنت ليه بتيجى تقولى انتى كل اللى ليا
بتوريها انك ممكن تحب تانى
زى مهى سبتك وحبت واحد تانى
طب ذنب قلبى ايه من كل القصه ديه
طب هى مش هممها الحكايه وبايعه القضيه
حرام عليك جرحت قلبى وجرحتنى ظلمت قلبى وظلمتنى
خلتنى احبك
وكنت فكـــــــــــــــــــراك بتحـبنى
وجاى دلوقتى عايز ايه
ايه ارجعلك بعد ايه
روح شوف غيرى تضحك عليه بكلمتين
وتنزله الدمعتين من عنيك الكدبين
قلبى خلاص مبقاش يحبك وعنيا كرهت عنيك
اوعى تفكر انى بعتبك
ديه نصيحه منى ليك
متحبش تانى ولا تشتاق
قلبك خلاص مبقاش مشتاق انت احسنلك تعيش وحيد
*********************************************
يلا روحلها
*************
بدام بتحبها يلا روحلها
يلا يابختها نصبها هى فيك
لو خايف لتجرحنى علشان مش عايزنى
امشى خلاص وسبنى
متخفش عليا ولا على دموع عنيا
قلبى اتعود على الجراح والاسيه
شوف حبيتك قد ايه وكنت بخاف عليك
بس انت هتعمل ايه القلب وما يريد
متفكرش فيا ومتشغلش بالك عليا
البعد هو مصرنا يا حبيب قلبى الوحيد
بدام بتحبها يلا روحلها
يلا يابختها نصبها هى فيك
انا اللى غلطانه من البدايه
انى وهمت نفسى بوهم كبير
كنت بتيجى تحكيلى عليها وعلى حبك الكبير ليها
بس غصب عنى اتعلقت بيك
من طبيه قلبك ورقه مشاعرك وحنيه عنيك
بدام بتحبها يلا روحلها
يلا يا بختها نصبها هى فيك
وصدقنى مش زعلانه انك مش معايا
انا كل الى بتمناه انك تكون سعيد
بس مش هقدر انساك
دايما هكون فكراك
ما احنا بردو كنا اصحاب زمان
******************************************
انا جايه بطمنك
**************
انا جايه بطمنك كل حاجه حلمت بيها اتحققت
موت فيا الاحساس و بقيت بقايا انسان
جرحت قلبى وبكيت عيونى ودمرت حياتى
ضيعتنى وبقيت بتستمتع ب اذلالى
كسرت فيا حاجات كتير مينفعش تتصلح تانى
خدت من عمرى كتير ليك ايام وليالى
خلاص مت مش هينفع أعيش من تانى
حلمى ضاع وانتهت الدنيا بالنسبالى
قتلتنى بخنجر فى ظهرى
وانا اللى كنت مأمناك على نفسى
خلاص كسبت الرهان فى انك تدبحنى
ارتاح بقا وأبعد عنى
*******************************************
خساره
*************
خساره انى اقولك كلمه واحده من الى هقولهااا
خساره انى اضيع ثانيه فى عمرى معاك انت
بس هقولك اللى عندى علشان ترتاح وتبعد عنى
وتسبنى بقا اداوى جرحى
كنت بتجرح فيا كتير وكنت ببعد عنك
لكن اوام ارجع لقلبك
يمكن حب مكنتش شايفه زيه مثيل
يمكن ضغف قدام كلامك الرقيق
يمكن خوف انك تسيبنى وتبعد بعيد
بس صدقنى المره ديه مش قادره ارجع لحضنك
مش قادره حتى اقول بحبك
خلتنى اكره كل الناس
خلتنى اكره كل الدنيا
خلتنى اكره حتى نفسى
خلتنى بس احبك انت
ارجوك كفايه وابعد عنى
سيبنى لحزنى سيبنى لجرحى
*****************************************
الثلاثاء 24 مارس 2009, 10:18 pm
