ده يمكن له علاقة بموضوع (تعمل هي ايه في الورطة دي) والورطة المرة دي ممكن تحصل لأي حد فينا،على كذا صورة
ممكن الدكتور يقول للأسرة ان الطفل اللي هم مستنينه مشوه
أو ممكن الأم عندها فوق الأربعين والأسرة معاها اولاد كتير ولا العيشة ولا الصحة مستحملة وبعدين الخبر السعيد ان في بيبي جاي
وممكن لا قدر الله زي قصة (تعمل هي ايه في الورطة دي) ويكون الطفل غير شرعي ومالوش مكان
والحل السهل في كل الأحوال دي هو الاجهاض
بس احنا شعب ضميره لسه شوية صاحي ودايماً بنسأل عن الحرام والحلال
سمعت مرة فتوى ان الطفل لو مشوه او متخلف اجهاضه حلال؟؟ وحاولت ابلع الكلام .. معرفتش.. ويا رب محدش مننا يقف موقف الاختيار الصعب جدا ده.. بس الفتوى دي صعب تتقبل.. لأن بنفس المنطق ده يبقى حلال كمان اننا نموت الأطفال المشوهين والمتخلفين؟؟ ما هي كلها روح واتخلقت
والأسرة اللي معاها خمسة او أربعة، والأم صحتها مش مستحملة، او الطفل لو هييجي للدنيا مالوش مكان ولا أسرة أو غير شرعي، برضه ممكن الواحد لو وزنها هيلاقي ان الوافد الجديد ربما يدمر حياة ناس تانية، يعني ممكن نضحي بده علشان دول يعيشوا، ماهو القتل في الحرب للعدو اللي هيدمرلنا حياتنا مباح.. منطق كمان عجيب بس موجود وبنشوفه، ومش عايزة أقول بنقابله كتير
الناس دي كلها تعمل ايه؟ ايه الصح وايه الغلط؟ وهل الورطة دي تخضع للصح النسبي.. يعني انقاذ أكبر عدد ممكن من الضحايا والتضحية بالقليل لانقاذ الموقف.. ولا الصح المطلق يعني الصح صح وانشالله الناس كلها تموت
ولا نشيل ايدينا ونسيبها وربنا هيحلها من عنده؟؟
..
الثلاثاء 17 مارس 2009, 9:26 pm
