جربت يوم إحساس انك تموت مخنوق .؟
تحلم بحلم جميل وبسرعة منه تفوق .؟
ضحكت مره وسط الناس ومن جواك مكسور .؟
علشان لازم تبان فارس شجاع وجسور .؟؟
تبتسم تدارى جواك هموم
وتملى نفسك بالأمل لان عيب تبان مهزوم
لكن وأنت مع نفسك تلاقى الوضع انعكس
صوتك جواك اتحبس ودمعك مصاب بداء الفلس
وتقوم مفزوع كأن اللى فات ده كابوس ,
مع انه واقع صعب تهرب منه حتى لو فى النوم
جربت مره تعيش موهوم .؟؟
وتسكت لأن كلامك كله ملهوش لزوم
وتلاقى الدنيا بتفضى من حواليك
تقفل ودانك غصب وتحاول تبعد عنيك
لان حلمك أصبح شعرة بين جسرين
طرف قلبك فيه مربوط واتنسى
والتانى جرح بيتفتح مع كلة طلة مسا
وبين شطين حاير هتوصل فين مع حلم زى الخيط
وتفوق تلاقي نفسك زى مانت جنب الحيط
وتقعد تفتكر قد إيه داريت جواك ولا اتهزيت
وياما عاندت مع نفسك وفى النهاية بكيت
وتطوف ذكريات حواليك تقول مش كنت بحذرك ومبتسمعش .؟؟
دلوقتى فين تلاقى الصبر , وفين الجرح اللى مبيوجعش .؟؟
وتفضل ماتتعلمش ومتقتنعش ,
بإن اللى ضاع من بين ايدينا مابيرجعش
الجمعة 05 ديسمبر 2008, 6:10 pm
