دعوه للتدخين
اوعى تسمع كلام الى يقولك بطل سجاير ده يبقى واد توتو مايعرفشى فوايد التدخين
(((التدخين يضفى عليك مظهر الرجوله)))
*اذا كنت حاسس انك عيل ومنظرك مايجبشى راجل ابدا, امسك السيجاره وانفخ فى وش الخلق
هيفتكروك راجل علطول..........
(((التدخين ببطىء وتركيز يعطى احياء بعمق تفكيرك واهميتك)))
*اذا كانوا الناس مستهيفين شخصيتك ومانتش مالى عينهم,ولع سيجاره ,اسحب كل نفس منها ببطء
وانفخه لفوق بعنتظه, الناس هيفتكروا انك عقليه علميه معمليه فاذه وهيبقى شكلك ولا عنتر زمانه
(((تدخين السجاير علاج ممتاز لبطء التفكير)))
*اذا اتزنقت وزكائك مش فايدك , ولع سيجاره, على ماتولع وتشد وتنفج يكون ربنا فرجها وحته الدهنه
الى جوه الجمجمه طلعت
(((التدخين يجمع البنات الحلوه حواليك)))
*ويحاوطوا سريرك كمان ويقعدوا يتغازلوا فيك ويقولوا لبعض ياسلام لو كل العيانين الى بيخشوا مستشفى
الصدريه شباب حلوه كده
(((التدخين يحافظ على صحتك من الامراض المعديه)))
*طبعا ما الدبان نفسه مش هيهوب نحيتك وهيقرف من ريحه بوقك
(((التدخين يحافظ على ومظهرك ويحميك من مشاكل الشيخوخه)))
*ماهو هيموتك بدرى قبل ما تلحق تشيب او تصلع
(((السيجاره ممكن ان تنقذ مستقبلك)))
*اسرق الخزنه وارمى السيجاره على الارض قبل ماتخرج,ان الله حليم ستار! ,
ملحوظه :استعمل سجاير غير الى انت متعود عليها علشان عقب السيجاره ميجبشى رجلك
.
.(((التدخين يجعلك شخصا متميزا)))
*طبعا مادونا عن مخاليق ربنا انت الوحيد الى بيطلع غازات من بوقك
(((السيجاره تكسبك الاحترام)))
*اول ماتتدخل حته الناس تقوم واقفه على حيلها ويروحوا جرى يفتحوا الشبابيك
(((السيجاره تجعلك رجل زو بصمه لاتمحى من ذاكره الناس)))
*اى حته تدخلها الناس مش ممكن تنسى انك شرفتها وحتى الى دخلوا بعد خروجك هيعرفوا ان انت كنت موجود
من الريحه ال.......................؟
(((التدخين يضفى عليك سمتى الوقار والهدوء)))
*لو انت بتدخن من زمان وحاولت تمشى بسرعه او تجرى وتنط السلم زى العيال هتنهج ونفسك يتكرش
وحاتبقى حالتك تصعب على الكافر
(((السيجاره بتهدى اعصابك لما تكون متغاظ)))
*هوه صحيح فى حاجات كتير ممكن تهدى الاعصاب زى الينسون الكركديه بس شكلك بالسيجاره بيحسس
الناس انك فعلا شايط وبتطلع دخان
(((السيجاره تساعدك على تجاوز المحن والفرفشه)))
*دايما فى الافلام العربى البطل اول مايحصله مصيبه يجرى على الكبريه السيجاره فى ايد والكاس فى الايد
التانى وفى اخر الفيلم يتجوز الرقاصه!!!!!!!!
(((السيجاره تقوم سلوكك وتحميك من الانزلاق فى الرذيله)))
*مانت بس لو حاولت تقرب من واحده هتتقرف من ريحه بوقك وهتهشك علطول
(((التدخين يحسن علاقتك بزوجتك)))
*انت هتفقد حاسه التذوق بالتدريج ومش هتاخد بالك من العك الى مراتك بتتطبخه وتوفر على نفسه البهدله
لما تتريق على طبيخها
** ملحوظه انا اساسا بشرب سجاير وشوف انت بقى !!!!!!!!!!!!
الجمعة 21 نوفمبر 2008, 7:26 pm
