عسل في ورطه

زائر

السلام عليكم

ازيكم عاملين ايه

يارب تكونو كويسين

النهارده ضيفه عسل في ورطه

اه يا ليل يا زمن

بجد في مده زمنيه قصيره

قدره تعملها اسم

وشخصيه جميله

بخفه دمها وقبولها

بجد من احسن الشخصيات في المنتدى

يالا يا دودو

هسئلك سؤالين كدا

1_ انتى ازاى عرفتى منتدى اللصوص ؟

2_ لو تمنيتى ان يتحقق لكى امنيتين فماذا تتمنى ان يتحقق لكى؟

3_ كم تجربة حب مرت حياتك.وماذا تعلمتى منها...؟

4-هل ندمتي ع قرار اخذتية ف حياتك؟

5_ ايه شعارك في الحياه ؟

6_ياتراء الدنيا فرح ولا عذاب بنسبالك ؟

7_ماهى نقطة ضعفك ؟

8-لو كنتى هتنامى وعايزه تحلمى ... حددى شخص معين يكون معاكى في الحلم...؟

9-ايه رأيك في المنتدى ؟

10-حددى 5 اعضاء وامنحيهم القاب من عندك ؟

يالا كفاياا كدا

ورينا شطارتك يا جميل

el sa7er

يااااااااااا سلام

انت وقعت ولا الهوا اللي رماااااااااك

اتقلي عليا بس اصل الوقت اتأخر هخش انام واخطف حلم سريع

واجي بكره اسألك

مجهول

يا عينى على الاختيار دا

يالا يا دينا جاوبى كدا

وورينا شطارتك يا جميل

وانا هجهزلك سؤالين كدا

سهلين يعنى مش صعبين

مش تخافى

فرفوشه

دينا اهلا اهلا

انا حاسه ان الاعضاء مستحلفالك يا دينا جوبي يلا علي الساحر وانا مجهزالك شويه اسالاه كدا

بس تمام اختك ساندي

اهلا اهلا مين حبيبة قلبى فى كرسى الاعتراف تؤتؤتؤتؤتؤتتؤ

معليش انتى قدها وقدود ويالة بقى عايزة اشوف اجابة جامدة كدة وعلشان عايزة اسالك شوية اساله كدة

اسراء

يالا يا قمر ورينا شطارتك وذكاء المرأة ولما تخلصى اسئلة وائل هابقى اكتب اسئلتى ليكى تحياتى

<<The >>Me....................

عسل في ورطه 21d387e68b

زائر

دا انتى هتموتى منى يا دينا
بس ردى على الاسئلة يا قمر
ههههههههههههههههههههههههههههههههههههههههههه
بس بقولك هتموتى منى
فى الاسئلة
اصل انا بحبك اوى اوى
ههههههههههههههههههههههههههههههههههههههههههههههههههه
محمد
ملك الرومانسية

موضوع: رد: عسل في ورطه السبت 25 أكتوبر 2008, 5:35 pm

يا خراشى العسل على كرسى
ههههههههههههههههههههههههههههههههههههههههههههههه
فى مكان فاضى جمبك ياجميل اجى اعد فية عشان اشيل عنك شوية
عشان السماء هتمطر اسالة دلوقتى

هههههههههههههههههههههههههه والله انتوا كلكم اللى عسل وسكر حاجة اخر تلزيق

اسفة انى اتاخرت فى الرد والله مكنتش اخدت بالى من الموضوع

باين علكم كلكم مستحلفين

اما نشوف اسئلتك ياوائل وميرسى اوى على المقدمة الجميلة دى
دة انا يكونلى الشرف انى ابقى معاكوا
بسم الله الرحمن الرحيم

نبتدى
1_ انتى ازاى عرفتى منتدى اللصوص ؟
انا عرفتة عن طريق جوجل كنت كاتبة فية صور غريبة وظهرلى وحبيت اسمة اوى بس الكلام دة كان من بس فضلت محتفظة باللينك لغاية اما اشتركت علية وكانلى الشرف

2_ لو تمنيتى ان يتحقق لكى امنيتين فماذا تتمنى ان يتحقق لكى؟
الامنية الاولى انى احقق هدفى واكون حاجة علشان بس ارفع راس ابويا وامى واحقق املهم فيا
والتانية انى لما اتجوز اكون انا سبب فى دخول جوزى الجنة واعينه على طاعهه الله وهو يشهدلى بدة

3_ كم تجربة حب مرت حياتك.وماذا تعلمتى منها...؟

الحقيقة انا اتحبيت كتير جدا لدرجة مش هتتخيلها بس كلة كان شوية عيال طلبة جامعه يعنى وانا كنت برفض لانى كان قدامى هدف لكن حب حقيقة مجاش الا مرة واحدة بس وانتهى مرة واحدة بردو كانة حلم وصحيت معرفش ازاى
ومفتكرش هاعرف احب تانى ولا افكر حتى فى غيرة لانى حاولت وفشلت وهاعيش عمرى كلة مع عهد كنت واخداه انى محبش غيرة برغم من انة خلاص افتكر انة نسانى وعاش حياتة
بس فعلا غصب عنى دة كان مبدا كنت عايشة علشانة عمرى كلة

4-هل ندمتي ع قرار اخذتية ف حياتك
انا كنت دايما اقول عمرى ماندم على شئ عملتة بارادتى حتى لو غلط بس اتعلم من الغلط دة والتجربة اللى مش بتقتلنى بتقوينى
بس الندم فعلا كان انى فكرت احب وامنت للدنيا مع انى طول عمرى واخدة حرصى منها بس هى بردو انتصرت

5_ ايه شعارك في الحياه ؟
هى الحقيقة شعارات كتير زى مابيقولوا عليا بنت صاحبة مبادئ بس الاهم انى مؤمنة بيها وبنفذها
لا يفيد البكاء على اللبن المسكوب
دة فعلا عن تجربة واتعلمت انى مندمش لان الدنيا زى مابتزعلك كتير بيكون
عندى امل انها مخلية الفرح مكافاه ليا هتكون نهاية صبرى عليها

6_ياتراء الدنيا فرح ولا عذاب بنسبالك
بصراحة مبشوفش منها الا العزاب برغم ان كتير اوى بيحسدونى على اللى انا فية
لكن انا مشاعرى الداخلية دايما حزينة لانى شفت كتير اوى
وطبعا الحمد لله بنتغلبب عليها

7_ماهى نقطة ضعفك ؟
نقطعه ضعفى هى طيبة قلبى لانى فعلا اتغدر بيا كتير من اعز اصحابى وبشكل فظيع وباعتراف منهم كمان
وحاولت كتير اتغير واكون وحشة قاسية لكن فشلت وفى النهاية وصلت لانى لازم ابقى انا لانى بحب انا

8-لو كنتى هتنامى وعايزه تحلمى ... حددى شخص معين يكون معاكى في الحلم...؟
بصراحة هو شخص مش فى الوجود شخص فى دماغى انا وبس ومعايا انا وبس عشت عمرى كلة بكتب شعر ورسمت دنيا جميلة وانسان فية كل اللى بتمناه يمكن دة اللى كنت بوجهلة كل اشعارى كنت فاكرة انى لقيتة بس كنت غلطانة وطلعت خدعه جديدة من الدنيا
عموما مش هافقد الامل يمكن الاقية

9-ايه رأيك في المنتدى ؟
بصراحة منتدى زى العسل ومواضيعه جميلة جدا
والاجمل انة احلى بيكوا انتوا احلى اخوات فى الدنيا عمرى ماعرف ازعل من حد منكم ولا هزعل ولا هاعرف ازعل
لانوا روحكم جميلة ياريت نفضل كدة ومنخليش اى حد يبعدنا عن بعض
متتصوروش انا والله تقريبا مش بكلم حد غيركم انتم بعد ماباجى من جامعتى لانى عايشة لوحدى
وكان فى موقف حصل هيضحكم بجد
من يومين كلفنى رئيسس القسم انى اترجملة جزء من كتاب هو مطلوب منة فى رسالة تقريبا وانا كل مادخل النت اعد عالمنتدى ويشدنى وانسى اكمل الترجمة لغاية اما اتاخرت وسلمتة الترجمه بعد اسبوع واخدت منة علقة محترمة
هههههههههههههههههههههههههههههههه
بسبب المنتدى
بس هو مزعلش منى لانة زى ابويا الروحى
10-
حددى 5 اعضاء وامنحيهم القاب من عندك
بس طبعا من غير زعل

الاول طبعا حبيبت قلبى بوسى
هى بصراحة اختارت الاسم لنفسها مجبتش حاجة من عندى هى كريزى بس شربات حبيبتى وباعتبرها اكتر من اختىmiss crazyهى
والتانية عاشقة الرومانسية هى فيها كتير من بوسى وكانت بتفكرنى بيهاواسميها العاشقة الولهانة
والتالت ملك الرومانسية وانا عاوزة اسمية عندليب الغرام
حاسة انة لايق علية لانى حاسة انة انسان رومانسةى جدا وعاطفى
الرابع وائل بصراحة مش هاجامل يعنى بما انك منحتنى مقدمة زى العسل
انا شايفة انك لمض اوى بس لماضتك زى العسل بس كمان بحس انك قاسى اوى
بس انا كنت دايما اسميك( مستر اعترض) اصلك دايما تعترض زى اللقمة فى الزور
نيجى بقى للمشكلة الكبيرة وهو عارف نفسة
هههههههههههههههههههههههههههههههههه
اكيد مجهول وهو كمان عارف اسمة
(زوج الاربعه) وعارف طبعا سبب التسمية
ههههههههههههههههههههههههههههههههههه
مع تمنياتى ليك بزواج مثالى
وطبعا الصريح المتمرد اوجهلة كل احترامى ولو اعدت اتكلم من هنا لبكرة مش هيكفى باعجابى بمواضيعك وابشرك انت الفايز
بصراحة انا نفسى افضل اتكلم عن كل واحد فيكوا انتوا كلكم زى العسل وبحبكم اوى
تيمور وطماطم وبونبوناية السكرة وفرفوشة

اسفة انى طولت عليكم بس اعمل اية غلباوية وبحب الرغى
واستنى اسئلتكم

اختى الغاليه عجبنى اوى ردك على الاسئله

وحبيت انى اسئلك شوية اسئله من عندى ويارب تكون خفيفه عليكى وتجاوبيها وتكسفينى هههههههههههههههههههههههههههههه

اولاً اعرفك بنفسى ميدو تومامووووووز

السؤال الاول

هى ليه البنت ممكن تلبس اى شخصيه وتتلون فيها ودايما بتكون خارجه من اى مشكله قويه
.او حتى لو مش قويه ومجروحه بتحافظ انها تكون قويه بردو

يا ترى انت ممكن تكونى كده او كده فعلاً؟

عسل في ورطه 953891169

السؤال التانى

انت ممكن عينيكى تدمع امتى ؟

ولما عينك تدمع ممكن تنزرف فى الدمع وكده ولا هيبقى شويه صغيره كده وهاتنسى

عسل في ورطه 953891169

السؤال الثالث

انت ذكرتى حجات عن الحب والاصدقاء وكده
؟ انت اى جرح بيكون اصعب بالنسبه ليكى جرح الصديق انو يسبك ولا الحبيب

ولو جرح الصديق ياترى العيب بيقى منك ولا من صديقك؟

عسل في ورطه 496165813

السؤال الرابع

انت قولتى انك مش هاتندمى على حاجه عملتيها بإرادتك مايوناز يا معلم

طيب دالوقتى انت لو كنت استمريتى فى علاقة العاطفيه اللى انتهت
وكانت شغلت عن تحقيق حلمك مش كنتى هاتندمى على عدم تحقيق هدفك فى الحياه

مع العلم بأن انت اللى اخترتى حبيبك اوكشنز يغنى حاجه بإراتدك؟

تحياتى ليكى يا قمر وانا بسئلك كأخ ليكى توماموووووز

وارجو انى مش اكون ضايئتك

عسل في ورطه 250880640

ايجباتك جميله جدا جدا جدا جدا
بجد حلوا موووووووت
اختك فروتى

زى ما قالت فروتى اجابتك فى منتهى الروعه والصراحه
وبجد انتى انسانه جميله جدا وده رأيى فيكى من قبل ما اعرفك

شكرا على صراحتك
مى

والله انتي زي العسل واجباتك كنت متوقعها وبجد زي ما قولتي قلبك ابيض

وزي الفل وبعدين انتي هتسيحيلي في المنتدي وجوز الاربعه متشكرا يا سكره

هردهالك

قوليلي بقي

لو كنتي مديره المنتدي هتعملي ايه .؟

خدي لقب امنحيه للمنتدي غير منتدي اللصوص .,.؟

عارفه لحد دلوقتي انا معرفش غير ان اسمك دينا

يلا قوللنا انتي منين وكام سنه وتدرسي ايه واخواتك كام .......؟

تقصدي ايه ب اه يا ليل يا زمن يعني اوضحلك اكتر ايه اعجباك بالاسم دا .......؟

احكلنا موقف مجرج جداااا,,,,,,,,,.؟ وموقف ظريف جدااااا ......؟

انتي حاليا حاسه انك بقيتي واحده مننا ولا لسه موصلتيش للدرجه دي ..؟

بالتوفيق ان شاء الله

مجهول

اولا احب اعتذر تانى عن تاخيرى فى الرد وثانيا احب اشكركم اوى اوى على الاهتمام دة ميدو وميرسى ياحبيبتى ياميمى انتى وفروتى
ومجهول طبعا ياباشا مرورك عطر صفحتى

الاول هجاوب على اسئلتك ياميدو

السؤال الاول

هى ليه البنت ممكن تلبس اى شخصيه وتتلون فيها ودايما بتكون خارجه من اى مشكله قويه
.او حتى لو مش قويه ومجروحه بتحافظ انها تكون قويه بردو

فعلا عندك حق انا نفسى صادفت بنات كتير بتتلون زى الافعى بس صدقنى سرعان مابتنكشف خدعتها زى مابتنكشف الحرباية بين الاولوان
وانا عن نفسى مبحبش التضنع جدا والله وعلى طول على طبيعتى حتى لو بكلم اكبر الناس ويمكن
دة اللى بيشد الانتباه ليا
ودايما البنت بتكون خارجة من اى مشكلة دة شئ طبيعى زى اى مخلوق دة غير ان البنت فعلا مخلوق ضعيف
انا بعترف بدة مهما حاولت تكابر وتظهر قوتها فهى فى الحقيقة اضعف
مايكون وهى فعلا احف بالحب والعطف وكمان لانها بتامن بسرعه فدة بيخليها تتصدم بسرعه

يا ترى انت ممكن تكونى كده او كده فعلاً؟

بالعكس انا عمرى ماتلونت ولا غيرت من شخصيتى ابدا لانى فعلا بحبها وزى ماقلت قبل كدة حاولت اتغير كدة واواكب العصر لكن لقيت فى النهاية انى بظلم دينا ولية اظلمها وهى الانسانة الوحيدة اللى عايشة معايا وراضية بيا على حلوى ومرى
علشان كدة انا بحب دينا لانها مينفعش تكون غير كدة بشهادة كل اللى عاشرونى

الاتنين فعلا اصعب من بعض جرح الصديقة قتلتنى وجرح الحبيب دبحنى بسكينة تلمة
بس الصديق بيكون اصعب لان الصديق بتديلة ومبتكونش منتظر منة شئ الا حبة ليكزى مابتخاف علية فمافيش مبرر انة يجرحك مثلا بسبب حقدة اوغيرتة
انما الحبيب بتديلة وبتنتظر منة يديك الحب والا مش هتكون فى علاقة حب ولو هو مش ادالك بردو بتحبة
ولا سابك عمرى ماهتجبرة على حبة اكيد بتقول هو الخسران

بس فعلا الاتنين دفنونى

انت ممكن عينيكى تدمع امتى ؟
ولما عينك تدمع ممكن تنزرف فى الدمع وكده ولا هيبقى شويه صغيره كده وهاتنسى

بالعكس انا دمعى مابينتهيش ودموعى قريبة اوى اوى على اد ماانى مببطلش ضحك لكن اغلب اوقاتى مع نفسى ببكى حتى لو مش موقف محزن
بس بلاقى راحة فى دموع حتى لو دموع حب
انا دايما كنت اقول ان الحب لما بيزيد اوى عن حدودة ومش بتلاقى كلمة تعبر بيها بتكون دموعك هى ابلغك الكلام
واتمنى اشوف دموع حبيبى

بالعكس شوف ياميدو انا يمكن نفسى اوصل لشئ كبير وفعلا ابتديت احط رجلى على اول الطريق لكن اقسم بالله انا فعلا اقسمت بدة
ودة تفكيرى انة لو كان عاوز دة وانا كمان شفت ان مستقبلى دة هياثر علية وعلى بيتة انا كنت هاسيب كل شئ علشانة
حتى الدنيا كلها اذا كنت انا موافقة انى ابعد عن اهلى واتغرب علشانة يبقى مش هسيب شغلى علشانة
اللى بتحب ياميدو وبتحب صح بتهون عليها حتى نفسها مش بس مشتقبلها علشانة وهو دة بجد اللى مؤمنة بية فى المراه
ان الحب زى مابيكون سطر واحد فى صفحات حيات الرجل بيكون كل تاريخ المرأه باكملة
بدليل ان الست بتتدمر بعد اول علاقة حب او فشل جوازها فى حين ان الراجل بيقول ست تنسينى ست او حب بيحيب حب
فهمت قصدى
وبردو مش كل الستات وكمان مش كل الرجاله علشان اكون عادلة
بس على الاقل بتكلم من منظورى لنفسى

مع العلم بأن انت اللى اخترتى حبيبك اوكشنز يغنى حاجه بإراتدك؟

لا خالص مش انا اللى اخترتة بالعكس هو كان عريس متقدملى عادى جدا زى اى واحد وانا كمان رفضتة
لكن رفضى دة خلاه يصر انة يقنعنى بية زى ماتقول تحدى وفعلا هو اللى كسب
لانى كنت شخصية مختلفة شوية كنت برفض عرسان كتير برغم من انهم بيكونوا كويسين دة كان علشان احقق هدفى لكن زى مابيقولوا فعلا وقت النصيب بيعمى البصر
وانا فعلا دلوقتى مبقتش حابة اتكلم عنة نهائى لانى فعلا لازم انساه
لان كل الحب دة كان كتير علية
علشان كدة لازم انهية واشطبة من صفحاتى

ميرسى ليك وانت جميل خالص خالص وانا على فكرة عمرى مابضايق من حد
ومخى مش صغير ولا بزعل اطلاقا

نيجى بقى لمستر مجهول
اه ياعم هسيحلك وانت تطول تكون جوز الاربعه ياراجل
وكمان لسة عايش هتتحسد والله
هههههههههههههههههههههههههههههههههه

لو كنتي مديره المنتدي هتعملي ايه .؟
هههههههههههههه
اول حاجة كنت هاشطبك منة
انا بهزر اوعى تزعل
بس بجد عمرى ماحبيت ابقى مديرة للمنتدى بس اكيد لو كنت مديرة مكنتش هاعمل اكتر من اللى عملتوة
بس انا نفسى تكونوا منتشرين اكتر من كدة يعنى المدير دة لازم اول واحد يرد على اى موضوع
ويحط انطباعه
ولا اية؟

خدي لقب امنحيه للمنتدي غير منتدي اللصوص .,.؟
كان فى موضوع بجد عجبنى جدا هنا وهو ايدى فى ايدك
فعلا المنتدى ميكونش الا بكدة وتخيل لو كان اسمة كلنا ايد واحدة
احنا فعلا ايد واحدة وعمر ماحد هيفرقنا اطلاقا
بس على فكرة منتدى اللصوص مينفعش الا بالاسم دة لاننا كلنا حبيناه بكدة ودمة اخف بالاسم دة
مفيش احلى من عيشة الحرمية
انا بقترح ان احنا نمارس نشاطنا جواه يعنى اول مانسرق نسرق المنتدى ونسهى روحنا
ههههههههههههههههههه

عارفه لحد دلوقتي انا معرفش غير ان اسمك دينا

يلا قوللنا انتي منين وكام سنه وتدرسي ايه واخواتك كام .......؟
انا عرفت نفسى اول مادخلت فى موضوع دستور عالناس السكرة
ومع ذال نقول تانى ياسيدى
انا اسمى دينا كلية تربية جامعه المنصورة وانا عايشة فى المنصورة
قسم لغات اجنبية تخصص انجليش
خريجة سنة 2008 بتقدرير جيد جدا وليا ترتيب عالدفعه معرفهوش
هههههههههههههههههههههههه

بدرس حاليا دراسات عليا دبلومة فئات خاصة علشان اكمل منها للماجستير ان شاء الله
وكان نفسى اسجل رسالتى فى ال methodoglgy
اللى هى طرق التدريس
انا والدى ووالدتى من مصر لكن انا سورية الاصل
ابو بابا سورى وابو ماما تركى
يعنى مختلط الجنسية لكن انا مصرية وامى وابويا مصريين
وليا اخ 25 سنة واخت 28 عايشين فى الامارات وانا هنا لوحدى مع ماما وبابا
من حيث هدفى فهو حاليا لسة محتارة بين الماجستير وبين دبلومة الجامعه الامريكية
فى الغالب هختار التانية
من حيث الشكل فانا طويلة وبيضة يعنى كتير بيقولولى انى شبة ديانا كرزون
وفى الجامعه بيقولولى ديانا مش دينا بسبب الشكل القريب جدا وانا كمان بحبهااوى علشان كدة حاطة صورتها لان الصورة دى قريبة جدا جدا منى وانا متصورة زيها بس بالاسود

اما من حيث شقاوة الجامعه فانا كنت منتشرة فى كل الجامعه جميع الكليات بت عفريتة وشقية زى ماكانوا بيقولوا
كنت امين الجنة الفنية فى الاتحاد فى السياسة تلاقينى فى المظاهرات تلاقينى حتى الندوات
من قوم اعترض يعنى
ههههههههههههههههههههههههههههه
وكان ليا معارض فن تشكيلى فى الجامعه اخدت جوايز كتير
وكنت بمثل فى المسرح
وحصلت على الطالبة المثالية فى سنة تالتة
وكنت بكتب شعر وبردو اشتركت فى مسابقات
وكنت اللمثل الرسمى للجامعه فى اسبوع شباب الجامعهات سنة 2007
ومن مسرححياتى اللص والكلاب واولاد مالك وغيرها
وعملت تلت لقاءات تلفيزيونة واحييت حفلة احتفالات عيد الدقهلية وبردو عملت لقاء مع المحافظ
يعنى دة ملخص بسيط لايام الشقاوة
دلوقتى لازم نتشاقى اكتر طبعا
هههههههههههههههههههههههههههههههههههههههههه
اديك ياسيدى عرفت كل حاجة عنى فاضل بس ابعتلك رقم بيتى واحددلك ميعاد مع بابا وانت عليلك تطلق
واحدة من الاربعه
ههههههههههههههههههههههههههههههههههههههههههههههههههههههه

تقصدي ايه ب اه يا ليل يا زمن يعني اوضحلك اكتر ايه اعجباك بالاسم دا .......؟
الاسم دة مرتبط بيا اوى وبحس انة بيمثل جزء كبير من حياتى
وكمان او قصيدة كتبتها كان باسم اه ياليل يازمن
ودايما بحب هى تكون اول مساهماتى فى المنتدى وفعلا حطيتها اول مشاركة
والاسم دة معايا من زمان زيك بردو انت واسم موبايضة
دة غير انى بعشق وردة موووووووووووووووووووووووووت

احكلنا موقف مجرج جداااا,,,,,,,,,.؟ وموقف ظريف جدااااا ......؟
موقف محرج ممممممممم
هو كل موقف محرج بيكون ظريف
بس الموقف المحرج اللى كان جد فعلا ان وانا فى سنة تانية اول ماشتركت فى المسرح خالص كان ليا صديقتى الانتيم اللى هى جرحتنى
كانت بتحب ولد صديق لينا وهى نفسها تعرفة وانا كان نفسى اساعدها اوى لانى بحبها وكان هو دايما ينصحنى ابعد عنها
وفى يوم جيب احاول احسسة بيها واحكيلة عنها وهو كان بيتكلم عنى انا ويقصدنى انا واكتشفت انة كان بيحبنى انا
الموقف فعلا كان محرج جدا وعلشان فعلا مخسرشى صاحبتى بعدت خالص لكن اكتشفت فعلا انها هى اللى مش كويسة
اما الموقف الكوميدى فدة كان حكاية
ككنت انا اول يوم ليا فى كلية تربية وكنت راحة متاخر يعنى بعد اسبوعين من الدراسة لانى كنت فى كلية تجارة انجليش وحولت
وداخلة من نص المحاضرة وانا معرفش
كنت بقى جاية تجارة ودكترة تجارة انجليش شيك اوى اوى ويبان انهم دكاترة
ففتحت المدرج وداخلة تلقائى بطبيعتى لقيت واحد واقف عطينى ظهرة لابس بنطلون وقميص زى ماتكون بيجامة صيفى
انا بينى وبينك افتكرتة الفراش بيظبط وكدة علشان الدكتور جاى
باقولهام بقى بصوت عالى ياجماعه فين الدكتور لقيتهم بيقولولى هششششششششش
دة وراكى ادورت وبمنتهى القرف باشاور واقول دة
لقيت صباعى
فى وشة هههههههههههههههههههه
كان موقف طبعا لا احسد علية قلت بس انا هحول على اداب
بس بالعكس كانت اول معرفة خير وهو حاليا اللى مشرف على كل ابحاثى وابويا الروحى

كان فى موقف تانى كل مافتكرة بجد افطس من الضحك
كنت رايحة اخد درس فى مادة الشعر لانها كانت صعبة
وانا معرفش ان المدرس عندة لدغه بينطق الراء هاء
كانت غريبة شوية
فكان فى قصيدة مكتوبة بلغة مختلفة كورى
فانا سالتة لو سمحت يامستر اللغه دى اية
دة بيقولى كوهى
اية يامستر
بتقول اية الكوهى دى لغة طلعت جديد
كوهى كوهى
اية يامستر متردوا ياجماعه هو فى لغة كدة
وطبعا الجماعه كلها فطسانة على نفسها من الضحك وانا زى تور اللة فى برسيمة واحرجت الراجل بردو بتلقائية
هههههههههههههههههههههههههههههههههههههههههههههههه

انتي حاليا حاسه انك بقيتي واحده مننا ولا لسه موصلتيش للدرجه دي ..؟
طبعا واكتر من كدة والا مكنتش رغيت كل دة دة انا صباعى وجعنى ياراجل من الكتابة

اتمنى بجد مكنش طولت عليكوا وانا فعلا بتكلم والله بمنتهى الصراحة وانا بحبكوات اوى اوى

زائر

اقتباس :: الرابع وائل بصراحة مش هاجامل يعنى بما انك منحتنى مقدمة زى العسل
انا شايفة انك لمض اوى بس لماضتك زى العسل بس كمان بحس انك قاسى اوى
بس انا كنت دايما اسميك( مستر اعترض) اصلك دايما تعترض زى اللقمة فى الزور

هههههههههههههههههههههههههههههههههه

انا لمض

حلوه مستر اعترض دى

ههههههههههههههههههههههههه

انا لمض وقاسى

لالا والله

دا انا غلباااااااااااااااان

بس اللى في قلبى على لسانى

و مش خاف من حد

وكلكم عارفين انى قلبى طيب

والا انتو رايكم ايه

بقكر فيك

واحب احييكى على اجاباتك النموزجيه

ببجد ميه ميه

احنا اللى لينا الشرف انك معاناا في المنتدى

بس انا كتبت في جوجل صور غريبه

بس المنتدى مظهرش

هههههههههههههههههههه

بس نوتينا بجد عيون قلبى

el sa7er

إزيك يا دينا يا قمر

احييك على اجابتك النموذجيه دى وانا ليا كومنت على حجات كتير اوى بس احب احتفظ بيها لنفسى

كلام كتير اوى قرأ تو فى كتب وكده عن فلسفة العظماء لو تعرفى الكتاب ده فيه نسخه منو على جوجل على فكره

اوكشنز يا معلم بس ايجابه نموذجيه واتشرف ان ليا اخت زيك كده وبالعقليه دى واحترم المرأه اللى بتقدر الهدف

ووائل بيحب روح الدعابه وانو يكون مرح

اخوكى ميدو

عسل في ورطه 149439695

اشكرك ياوائل على مرورك انا عاوزاك متزعلش انت عارف انى صريحة
خلاص مش لمض اوى يعنى
نص لمض

واشكرك ياميدو وبنتظر منك المزيد من الاسئلة

وكمان عاوزة اعرف تعليقاتك
واكيد عارفة الكتاب بس وضح بالتحد\يد لان صدر كتب كتير اوى بالمعنى دة
فى مثلا فلسفة اثرت فى الديانة المسيحية وبتتكلم عن العظماء
وفلسفة الصدر للدكتور محمد عبد اللاوى
وفى عظماء الفلاسفة اللى فية نيتشا

حددلى اية وجهة نظرك وتقصد اية منه بالتحديد

واحييك على ثقافتك

منتظرة ردك

اجباتك جميله اوووووووي ومواقفك لذيذه زيك يا سكره

شكرا ليكي

اخوكي

مجهول

شكرا ليك يامجهول ومنتظرة المزيد من اسئلتك

هرد والله ومش هزعل مهما كانت

زائر

ههههههههههههههههههههههه
تعالى يا بطة تعالى يا بطة
ههههههههههههههههههههههههههههههههههههههههههههههههههههههههههههه
شوية اسئلة على الماشى كدا

س1/ ماهو شعورك وانتي في كرسي الاعتراف ؟ مع الشرح بالتفصيل؟؟؟؟؟

س2/ كل انسان لابد وان يمر بعدد من المواقف منها الطريف والمؤلم وغيرها اذكريلنا
بعد اذنك يعني موقف طريف وموقف مؤلم واسف على تقليب الماجع وموقف محرج
حصل لكي واتمنيتي انه الارض انشقت وبلعتك خخخخخخخ؟؟؟

س3/ كيف تشوفي منتدى اللصوص ؟؟ بكل صراحه وبدون مجاملات يعني اية عيوووب؟

كفاية كدا عليكى

في في حياتك قصه حب فاشله دا ديما احسه من مواضيعك ياريت تكلمينا عنها ????

mag7ol

بجد اجبات مقنعه وقد نالت اعجاب الجميل