what`s the matter my heart

إيه يا قلبي مالك ؟؟
شايفك متغير حالك ...
شايفك بتقربلو ومش واخد بالك ...
هوانت نسيت إيه اللي جرالك ؟؟
مش إنت اللي حرمت تحب تاني ؟؟
مش إنت اللي وعدتني إنك مش هتخليني أعيد لوعتي بحبيبك الأولاني ؟؟
حبيبك اللي ياما خدعني بوعود وأماني ...
وفي الآخر سبني ورماني !!!
شايفك لقلبو ابتديت تأمّن ...
ولحبّو خلاص قرّبت تسلّم ...
هوانت عايزني تاني أتجنن ...
من تاني وأرجع أتألّم ؟؟
عايزني أفضل العمر كله بجراحك ألمم ؟؟
ليه يا قلبي بتعمل كدا ؟؟
بتقولي عشان خاطري جربه ...
دا أول قلب أحس بيه ...
صدقني هيحبك وهتحبيه ...
ومش هتعرف قلبو في يوم تسيبيه ...
وانا بصراحة ما عدتش قادر أخبي شوقي ليه ...
ما عدتش عارف أطفي النار اللي اشتعلت فقلبي لحظة ما عنيا جات في عنيه ...
ما عدتش قادر أستحمل لهفتي عليه من ساعة ما إديّا جات في إديه ..
ما عدتش عايز أداري شوقي ليه ...
وأنا من دلوقتي هنفز رغبتك ..
هروحله وهقربو منك ..
بس مش قبل ما توعدني إنك ...
مش هتتعبني لو بعد عنك ...
مش هتحرقني لو حب غيرك جمب منك ...
اتعهدلي إنو لو سابك هتسيبو ..
لو باعك هتبيعو ...
ولو خانك ختخونو ...
وهتعرفو حرج القلوب وفنونو ..

اهداء الى من ملكت قلبى وسكنته


Fokak Meny