النهارده عايز اعرض عليكم كلمات كتبتها امبارح وانا قاعد مع نفسى كده
انا بجد والله مش عارف ازاى كتبت وازاى حطيت الحرف جمب الحرف وعمل كلمه
والكلمه جمب الكلمه عملت جمله
مش هطول عليكوا اتفضلوا
_______________________________________
نسيت مين انا
كانت تقولى نفسى اعيشلك واخلصلك
كانت تقولى مش عايزه غير حبك وعطفك
دلوقتى نسيت مين انا
كانت تقولى حسسنى بقربك حتى لو بعيد
كانت تقولى حبيبى ليه عنى بعيد
دلوقتى نسيت مين انا
كانت تقولى انا شاكه ليه فى حبك
كانت تقولى حبى ليه بيقل فى قلبك
دلوقتى نسيت مين انا
كانت تقولى انت بتنسى بيا حب عشته
كانت تقولى لو عايز تبعد ابعد وانسى الى قلته
دلوقتى نسيت مين انا
كانت تقولى هستناك تدق عليا الباب
كانت تقولى امتى بقى كتبت الكتاب
دلوقتى نسيت مين انا
كانت تقولى لو كل الدنيا عارضت حبنا انا ليك
كانت تقولى شيل كل الاوهام من جواك الله يخليك
دلوقتى نسيت مين انا
كانت تقولى تفكيرك دايما بيتعبنى
كانت تقولى نفسى ترتاح وتريحنى
دلوقتى نسيت مين انا
كانت تقولى انت مش عارف انت عايز ايه
كانت تقولى حماده انت عايز منى ايه
دلوقتى نسيت مين انا
دلوقتى غايبه عنى ............. ولا تعرف ايه احوالى
دلوقتى بعيده عنى ..............ولا يوم سالت عن حالى
غريبه انها بايديها تقدر توصلى وتتطمن عليا
غريبه انها بايديها تقدر تطيب كل الجراح الى فيا
قلبى كل يوم يقولى انساها ..............انساها بقى والعن هواها
قلبى عايز يريحنى ........مش عايز حد يجرحنى
بس لالا ياقلبى مقدرشى انساها .........لانى بجد بهواها
مستنى ترجع تقولى مالك ايه جرالك
مستنى تقولى بحبك وهفضل مخلصالك
____________________
اتمنى تكون كلماتى عجبتكم
واتمنى لو الى بتكلم عليها
شافت كلامى
تحس بالنار الى فيا